حيطان Die Wände

Die wände für das leben

حكاية سامبو ..الحرية لسامبو

الاسم محمد جاد، السن 26 سنه .. اللقب بلطجي دا عند بلطجية العسكر( الى مسمين نفسهم الى حموا الثورة ) .. الحقيقه بطل من ابطال الثورة
محمد من منطقة الشرابية و مشهور باسم “سامبو”
ليه سامبو بطل؟
يوم 28 يونيو سامبو عرف ان الأمن المركزي بيهاجم الثوار في التحرير، جاب اصحابه و جه عشان يدافع عن المتظاهرين من ناحية الفلكي و ساعد في منع البلطجيه و الامن المركزي انهم يهاجموا الناس.
في وقت قريب من الفجر حاول ضابط ومع عساكر مهاجمة الفلكي من خلال الشوارع الضيقه بس اتمسكوا و اضربوا و اتاخد منهم السلاح و الملابس و الخوذ و كان معاهم بندقيه غاز و دي اللي ظاهره في الصورة .. الشباب محدش فيهم يعرف يستعمل البندقيه بس سامبو بسبب تجنيده كان عارف و ساعد المتظاهرين في صد العدوان من الامن المركزي.
من خلال المخبرين قدروا يعرفوا سامبو و دلوقتي تم اتهامه بانه اعتدى على جندى امن مركزي و استولى على سلاحه و حصل على 15 يوم سجن تمهيدا لمحاكمه عسكريه.
سامبو زيه زي ابطال كتيره من المناطق الشعبيه نتعالى عليهم و بنقول عليهم بلطجيه بسبب تدني ذوقهم في اللبس أو المعيشه، سامبو و اللي زيه ساعدوا المتظاهرين في صد العدوان على الثوار في التحرير اللي كانوا مش بيستحملوا تأثير قنابل الغاز الجديد لكن سامبو و امثاله كان بيقدروا و كان بينقضوا على الأمن. و اهالينا عملونا الخوف منهم و النظام علمنا نخاف منهم و نقول عليهم بلطجيه و منراعيش ظروف معيشتهم .. في الثورة لما كنت بشوف حد منهم كنت ببقى ماشي مقلق بس بعد يوم 28 عرفت دورهم و عرفت ان بسبب عزيمتهم و عنفهم قدرنا بعد كده نقدر نعمل مليونية في الشارع من غير خوف من الشرطة و الامن.
في بداية الثورة عندما تم اغلاق التحرير بجنود كتير من الامن المركزي ناس شبه سامبو من الشرابيه و بولاق و الالتراس هما اللي عرفوا يفتحوه، من غيرهم مكناش هنعرف نعتصم في التحرير .. من غيرهم كان صعب تكون في ثورة او عصيان في الشارع لأنه في الاول و في الآخر الشباب الرغم من عزيمتهم و حبهم للبلد معندهمش خبرة في التعامل مع عنف الأمن المركزي أو فتح ثغرات فيه تكون محتاجه عنف زي شباب المناطق الشعبيه و الألتراس.
سامبو زيه زي الابطال الشعبيين الزير سالم او او زيد الهلالي  .. بس للأسف ناسيين دورهم و بنتنكر ليهم و نتعالى عليهم و هو محتاج دعمنا ضد محاكمته عسكريا تحت مظلة “ضد الأحكام العسكريه للمدنيين”
أنا أدعم الافراج عن سامبو بمحاولة التدوين عنه و نشر قصته و التظاهر ان استطعت، سامبو جزء  “لا للمحاكمات العسكريه للمدنين”

قضت المحكمة العسكرية بحبس سامبو 5 سنين بالرغم من جلبه لشهور يثبتون صحة قوله انه اراد تسليم السلاح المتهم بحيازته لخادم المسجد

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

Information

This entry was posted on 29/06/2012 by in Uncategorized.

الابحار

%d مدونون معجبون بهذه: