حيطان Die Wände

Die wände für das leben

رغى كتير فى ذكرى محمد محمود..احترس

فى ذكرى محمد محمود ترجع بينا الذاكرة ليوم 18 نوفمبر ايوة 18 نوفمبر للان الجمعة 18 نوفمبر كان جمعة القصاص للشهداء وحقوق المصابين الليوم كله قضناه فى مسيرة من الاستقامة للمجمع مكان ما بنعقد كل مرة لما بنرجع من المسيرة الهتاف كان عالى وبحماس والناس كلها عندها استعداد تعمل اى حاجه علشان الثورة تستمر فى اليوم دا حسيت ان 18 يوم ممكن يرجعوا تانى بس كنا هنطول شوية علشان محدش بيعتلم ببلاش 🙂 المهم مش هطول عليكوا فضلنا نغنى ونهتف ونهظر وجت ساعة 10 ابو كرش كبير ( حازم ابو اسماعيل ) قال سوف نترك الميدان وكان على عينى والله 😀 بس للازم نروح نحمى الصناديق ( الانتخابات ) من التزوير هل نتركها للعسكر وحسسنى انا ابو جهل بيكلم الكفار فى فيلم فجر الاسلام ما علينا الناس كلها اصرت ان الاعتصام يكمل اة الروح قلت حاجه بسيطة علشان فى ناس كتير مشيت المهم كان العدد حلو مش وحش وابتدت الخيم تتنصب وابتدى الاعتصام وفضلنا عند المجمع قسمنا نفسنا مجموعتين مجموعة الثوار ومجموعة الفلول ومثلنا الثورة من اول وجديد بس المرة ديه مضحكش علينا كنا احنا الصح وكسبنا :p ما علينا الروح فضلت عليا مشيت انا على الفجر المهم على 9 كدا كنت صحيت وهنزل الميدان تانى وبفتح التلفزيون لقيت الامن المركزى دخل الميدان وبيضرب فى المعتقلين واهالى الشهداء ومسك ناس كتير المهم جيت انزل وكالعادة السلطة الابوية تطلع اقعد ذاكر مفيش نزول دا كلام فاضى فضلنا كدا 8 ساعات والضرب شغال ومفيش الحل المهم استسلمت للامر الواقع بعد ما كررت انط من الشباك اكتشفت اننا فى الدور 5 😀 المهم  الاحد 20 نوفمبر الصبح صحيت الساعة 6 الصبح اول مرة ونشاط فوق العادة رايح المدرسة ( دا قدام اهلى ) لكن الحقيقة كنت رايح محمد محمود وجمعت صحابى كلهم وراكبين ورايحين على هناك ولقيت ناس صحابى قاعدين وفهمتهم ايه الى بيحصل وجم معاى برضوا نزلنا التحرير ودخلنا الاشتباكات كنا لسه مشترناش ماسك ولا خوذة ولا اى حاجه كان معانا اسكرفات وكدا دخلنا لجوة فى الصف التانى الصراحة مش الاول وكنا خايفين سيكا كدا بس مش مهم الضرب اشتدت على الساعة 10 وحاولوا انهم يدخلوا الميدان اكتر من مرة والعدد كان قليل حبة لحد ما صحابى كلهم اتخرطشوا وانا ومحصليش حاجه قعدت شوية بره معاهم ورجعت تانى وبعد شوية اتقبض على فى شارع الشيخ ريحان والامن المركزى قرر علشان يسبنا ان للازم نعمل هدنة او يتبقض علينا ومكنش قدمنا حل ان نعمل الهدنة وحاولنا نعملها لكن فشلت اصلا فاللواء قرر انه يقبض علينا اول لما نرجع فضلت واقف مكانى بحاول اهدى الناس الناحية التانيه وافهمهم ان احنا معاهم لكن مفيش فايدة روحت مكلم واحدة صحبتى وقولتلها الى حصل وانى مش عارف اتصرف بعتتلى حد جيه خرجنى من وسط الضرب بعديها بشوية خدت خرطوش فى رجلى وخرجت تانى ورجعت بعديها بس مكنتش قادر علشان الخرطوش كان فى قصبة رجلى.. روحت بليل ورجعت على وقت ما الجيش كان بيفض الميدان لسه نازل من الميكروباص على اول الكوبرى والجيش داخل على الناس فضلوا يجروا وراانا لحد بعد الكوبرى ورجعنا تانى ونصبنا الخيمة والاشتباكات دارت تانى بس فى الوقت دا بعد الناس الى ماتت واتصاب والى حصل الناس قررت ثورة تانى والشعب يريد اعدام المشير كنت بيتهتف بصوت عالى نفس صوت هتاف الشعب يريد اسقاط النظام الليلة عدت بسلام معاى تانى مأخدتش خرطوش وبستعد للاعتصام اهلى يكلمونى يرجعونى البيت 😦 عملت نفس الحركة وصحيت 5 الفجر ولبست ونزلت ساعة 6 قال ايه رايح العب كورة مع صحابى فى المدرسة ونزلت وصلت الميدان على الساعة 7 فضلت لحد الساعة 8 كدا واخدت خرطوش فى رجلى ورجعت البيت تانى … اهلى عرفوا وحبسونى علشان منزلش تانى فضلت قاعد بزن علشان انزل لحد الساعة ما جت 6 لقيت الامن المركزى دخل الميدان تانى قررت انى هنزل يعنى هنزل اهلى قرروا انى لو نزلت مرجعش تانى وانا وافقت ونزلت ومكنش معاى غير 10 جنيه للانهم اخدوا من الفلوس والموبيل التانى ونزلت و كلمت ابن خالتى وقريبى يجبولى فلوس وكمان صحبى سلفنى فلوس لحد ما ارجع 😀 قشطة بقى نزلت قعدت فى الخيمة بتاعتنا عند المجمع اتعرفت على ناس جديدة جدا وناس كنت عارف شكلهم بس وعرفت اسمهم وبدأت اخش االاشتباكات بقلب جامد حبتين كنت خايف بس مش مشكلة الفلوس الى كانت معاى شيلت نصها معاى والباقى  قررت ان اديه لواحد صحبى على الفلوس الى معاه يجيب علاج للصيدلية الميدانية الى فى كل مكان فى التحرير الروح كانت عاليا وجامدة وكنت بقالى كتير مشوفتش الميدان بالروح ديه والاشتباكات كانت حلوة وممتعة اة فى ناس كتير بتتصاب وبتموت 😦 بس انا كنت حاسس انى دى بداية ثورة جديدة بليل على الساعة 1 دخلنا الضرب من ناحية شارع الفلكى والامن المركزى تراجع وبجرى وسط الضرب خد خرطوشتين فى صدرى منهم واحدة طلعت وواحد موجودة لحد دلوقتى خرجت مكنتش قادر اخد نفسى قعدت مع صحابى عند الخيمة تحت البطاطين عمالين بنضحك وبصاين للسما ومش قادرين نبطل ضحك جتلنا حالة هستيريا من الغاز ويوم التلات رجعت للبيت ونزلت تانى بعد خطاب الحمار ( المشير ) للان اهلى اقتنعوا ان دى انتفاضة الثورة التانيه للان بيان الحمار كن نفس بيان حسنى نزلت بروح اعلى من الاول ونسبة خوفى ان اموت قلت للان خلاص اهلى عرفوا انا بعمل ايه فالو حصلى حاجه هما هيعرفوا وبليل مات شهاب الدين عضو الوايت نايتس مكنتش اعرفه غير من فتره قريبة قعدنا عند الخيمة بتاعت الوايت ومحدش فينا قادر يقول اى حاجه وفجأة الناس كلها قررت تروح تفشخ الداخلية وفعلا اعضاء الاولتراس اهلاوى وزمالكاوى دخلوا الاشتباكات بروح عالية مع الناس هما كانوا موجودين بس بشكل فردى ودخلت معاهم والحماس كان زايد وخصوصا انى لقيت ناس من منطقتى والشارع بتاعنا معاى 🙂 كنت مبسوط ومكملتش الانبساط واتخرطش تانى 😛 بس فى ضهرى 8 خراطيش منهم 2 موجودين لحد دلوقتى ما علينا الليل كمل الروح زادت كل الى خارج من الضرب بيعيط من الغاز او ان واحد جنبه مات وبيسند على حد ميعرفوش والتانى داخل بيبتسم يا بيتصاب ويرجع للمستشفى يا بيموت وترجع روحة لربنا يا بيشل حد اتصاب جنبة يا بيقاوم الامن الروح الى اتعلمتها فى ايام محمد محمود . الحق حق حتى لو هيجى على الدم .. الناس كلها ثابتة علشان حق الى ماتوا الاشتباكات دارت زى كل يوم وانا حبة فى الخيمة وحبة فى الاشتباكات ولما مسكت الاعاشة فى الخيمة مع كذا حد كان الضحك كلها من الناس الطيبين الى كانوا فى الميدان و صحابنا الى بيتنكوا علينا وكدا 😀 والميدان يرجع يسود علينا لما اخوانا البعده ينزلوا ( الاخوان المتأسلمين ) ويعملوا هدنة ويعملوا حاجز بشرى وبعد كدا حاجز الجيش يعمل حاجز خرصانى وتضي علينا فرصة اسقاط النظام من تانى ورجوع حق الناس علشان كله يتلهى فى الانتخابات . حقا يسقط يسقط حكم المرشد .. فى ذكرى فى محمد محمود افتكرت كل الى حصل دا من ايام حلوة واشتباكات قوية والناس الى عرفتهم جديدة ولما الشهيد مصطفى الصغير مات صحابى افتكرونى انا الى موت وناس معرفهاش بدأت تدور على وتعرف انا فين خايفة تكون الخبر حقيقى على وعرفت انهم اجدع ناس تعرفهم لما اتأكدوا ان مصطفى الصغير ميبقاش انا كله بقى مبسوط وقعدوا يدوروا مين مصطفى الصغير التانى الى مات 😦 الميدان علمنا روح الانتماء ديه حقيقة … حقنا هيرجع 🙂 … وافتكرت ايام المذاكرة اة كلنا فشلنا فى الثانوية العامة بس مكناش زعلنين علشان كلنا عارفين ان احنا بنعمل حاجه صح كنا بنذاكر وسط الضرب لما بنعقد فى الخيمة ولما نروح مش بنذاكر 😀 …. ويوم لما سبت البيت بنت  صحبتى حولتى 10 جنيه رصيد … وكانت بتزن ارجع البيت …. ولعب البلاى ستيشن الى لما بنستريح فى الضرب والقنبلة الى نزلت واحنا قاعدين عند المجمع وكلنا اتخضينا وجرينا فى كل حته 😀 ..بس كل الى افتكره ان محمد محمود كان اكتر الناس الى فيه اندر ايدج ثانوية عامة واعدادى الصبح هربانين من المدرسة  وبليل مزوغين من الدروس وفلوس الدروس بيجبوا بيها مسكات وميكوجيل …. بس احترسوا من ثأر قضت عليه ثورة قام من اجلها فسوف يعود من جديد ..افتكروها 19 نوفمبر

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

Information

This entry was posted on 11/11/2012 by in Uncategorized.

الابحار

%d مدونون معجبون بهذه: